Extraction: The Raft of the Medusa é una meditación sobre o redeseño masivo do planeta por parte da humanidade e un panfleto distópico sobre o Antropoceno. A obra amosa un breve momento de euforia no que os ocupantes da balsa á deriva, esperando e pregando ser rescatados, parecen entrever unha posibilidade de salvación. Case podemos escoitar os berros roucos cos que tentan chamar a atención sobre a súa desesperada situación, reunindo as súas últimas forzas diante do baleiro. Esta é a súa derradeira oportunidade de sobrevivir. Extraction: The Raft of the Medusa, refírese ao paradigma colonial, á cosmovisión e ás tecnoloxías que marcan ás rexións de alta biodiversidade, para reducir a vida á súa conversión nun recurso a través do capitalismo, cun enorme impacto ambiental e social. É unha alegoría dos estados de emerxencia en política ambiental, clima e migración, cun propósito ético-político.

Salomé Lamas é unha artista cunha obra que non pode pecharse en ningún xénero, senón que se produce na intersección de moitos, como algo persoal e independente, sempre impulsada por un afán innovador e rupturista. As súas pezas, que en moitas ocasións son enormemente comprometidas, xogan coa narratividade literaria, o texto e a linguaxe, para profundizar na memoria e a historia de forma crítica, facendo dialogar de forma irónica o real e o ficticio.